İDMAN
Lənkəran şəhər stadionunda keçirilmiş Fransa - ABŞ oyununda hesab açılmamışdır
Bakı, 22 sentyabr (AZƏRTAC). Futbol üzrə “FIFA U-17 qadınlararası dünya çempionatı Azərbaycan 2012” davam edir.
AZƏRTAC xəbər verir ki, çempionatın B qrupunda ikinci oyun Lənkəran şəhər stadionunda Fransa və ABŞ yığmaları arasında keçirilmişdir.
Fransa millisinin meydana çıxan heyətində Romane Bruneau, Aissatou Tounkara, Griedge Mbock Bati, Lea Deklersq, Kadidiatou Dinai, Sandie Toletti (kapitan), Marion Romanelli, Qoutye Karçouni, Noemie Karge, Julianie Gethart və Delfine Kascarino yer almışlar.
ABŞ yığmasının start heyətinə isə Cane Kampbell, Brittani Basinger, Maddie Bauer, Summer Grin, Gabbi Miranda, Morqan Endryus, Toni Payne, Mendi Friman, Endi Sullivan, Marqaret Purce və Darian Cenkins daxildirlər.
Qarşılıqlı hücumlar şəraitində keçən oyunda hesab açılmamışdır.
Matçın baş hakimi uruqvaylı Klaiuidia Umpierrez olmuşdur. Ona Nadia Veiler (Paraqvay), Lusiana Maskarana (Uruqvay) və Aissata Amegi (Toqo) kömək etmişlər.