“Müasir biologiyanın aktual problemləri” mövzusunda elmi-praktik konfrans keçiriləcək
Bakı, 28 yanvar, AZƏRTAC
Fevralın 5-də Azərbaycan Milli Elmlər Akademiyasının (AMEA) Mikrobiologiya İnstitutunun Gənc Alimlər və Mütəxəssislər Şurası tərəfindən “Müasir biologiyanın aktual problemləri” mövzusunda elmi-praktik konfrans keçiriləcək.
İnstitutdan AZƏRTAC-a bildiriblər ki, konfransda biologiyanın aktual problemlərini özündə daha dolğun əks etdirən məruzələr dinləniləcək. Gənclər Gününə həsr olunan tədbirdə maraqlı məruzələrin müəllifləri mükafatlandırılacaq.
Konfransda AMEA-nın müxtəlif elmi-tədqiqat müəssisələrindən, respublikanın ali məktəblərindən və digər dövlət qurumlarından nümayəndələr iştirak edəcəklər.
Bölmənin digər xəbərləri
