Qazaxıstanda sərnişin təyyarəsi qəzaya uğrayıb
Bakı, 27 dekabr, AZƏRTAC
Cümə günü Qazaxıstanın “Bek Air” aviaşirkətinə məxsus təyyarə Almatı Hava Limanı yaxınlığında qəzaya uğrayıb.
AZƏRTAC TASS-a istinadla xəbər verir ki, hadisə nəticəsində 14 nəfər həlak olub, 35 nəfər isə yaralanıb. 95 sərnişin və 5 ekipaj üzvünün olduğu təyyarə Almatıdan Nur-Sultan istiqamətində uçurmuş. №Z2100 reysi ilə uçan təyyarə yerli vaxtla saat 7:22-də (Bakı vaxtı ilə saat 5:22) beton maneəyə çırpılıb, daha sonra ikimərtəbəli tikili ilə toqquşub. Araşdırmalar davam edir.
Bölmənin digər xəbərləri
