Rusiya hərbi polisi Suriyada patrul xidmətinə başlayıb
Moskva, 8 yanvar, AZƏRTAC
Rusiya hərbi polisi Suriyanın Türkiyə ilə sərhədinin yaxınlığında yerləşən Hələb əyalətinin Manbica rayonundakı ərazidə patrul xidmətinə başlayıb.
AZƏRTAC TASS agentliyinə istinadla xəbər verir ki, bu barədə jurnalistlərə polis nümayəndəsi Yusup Mamatov bildirib.
Onun sözlərinə görə, bu, cavabdeh zonada təhlükəsizliyi təmin etmək, silahlı dəstələrin yerləşməsi və yerdəyişməsinə nəzarət etmək məqsədi daşıyır. Hərbi polislər ərazinin döyüşçülər tərəfindən işğalı dövründən qalan gizli silah anbarları və partlamayan mərmilər barədə yerli sakinlərdən məlumatları qəbul edirlər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
