SƏFƏR BAŞA ÇATDI
Borispol beynəlxalq hava limanına gələrkən Prezident İlham Əliyev və Ukraynanın Baş naziri Viktor Yanukoviç hava limanının yaxınlığında yerləşən təyyarələrin yığılma sexi ilə tanış oldular.
Sonra Prezident İlham Əliyev fəxri motosikletçilər dəstəsinin müşayiəti ilə hava limanına gəldi.
Azərbaycanın və Ukraynanın dövlət bayraqları ilə bəzədilmiş hava limanında dövlətimizin başçısının şərəfinə fəxri qarovul dəstəsi düzülmüşdü. Prezident İlham Əliyev Ukrayna hökumətinin yüksək vəzifəli şəxsləri və Azərbaycan diasporunun üzvləri ilə sağollaşdı. Milli geyimli qızlar dövlətimizin başçısına gül dəstəsi təqdim etdilər.
Azərbaycan Prezidenti İlham Əliyevi və xanımı Mehriban Əliyevanı Ukraynanın baş naziri Viktor Yanukoviç və xanımı Lyudmila Yanukoviç böyük səmimiyyət və mehribanlıqla yola saldılar.
X X X
Prezident İlham Əliyev həmin gün gecə vətənə döndü.
Dövlətimizin başçısını Heydər Əliyev adına beynəlxalq hava limanında Baş nazir Artur Rasizadə, Prezident Administrasiyasının rəhbəri Ramiz Mehdiyev, Bakı Şəhəri İcra Hakimiyyətinin başçısı Hacıbala Abutalıbov qarşıladılar.
Bölmənin digər xəbərləri
