Şəhidlərimizi heç vaxt unutmayacağıq
Bakı, 20 yanvar, AZƏRTAC
Ölkəmizin müstəqilliyi, xalqımızın azadlığı uğrunda canlarını qurban vermiş şəhidlərimizi heç vaxt unutmayacağıq, onların xatirəsini daim əziz tutacağıq.
Bunu AZƏRTAC-a müsahibəsində Şəhidlər xiyabanını ziyarət edən Şuşa Dövlət Musiqili Dram Teatrının aktrisası, əməkdar artist Şükufə Musayeva deyib.
O, 20 Yanvar faciəsinin təkcə Azərbaycanın deyil, bütövlükdə bəşəriyyətin tarixinə qara səhifə kimi daxil olduğunu söyləyib. Qeyd edib ki, bu qanlı hadisələrdən uzun illər keçməsinə baxmayaraq, xalqımız o müdhiş gecəni daim xatırlayır, faciəni törədənlərə nifrətini bildirir.
Ş.Musayeva bildirib ki, 20 Yanvar faciəsində şəhid olanların xatirəsini anmaq onların ülvi amallarına ehtiram, haqq-ədalətə tapınmaq, zülmkarlığa, eybəcərliklərə, mənəviyyatsızlıqlara yox deməkdir. Biz qəhrəman Vətən övladlarının məzarlarını hər gün ziyarət etməliyik.
Bölmənin digər xəbərləri
