Bakı, 31 avqust, AZƏRTAC

“BakuBus” MMC-nin 1 nömrəli marşrut avtobusunun fəaliyyətə başlaması ilə əlaqədar mövcud marşrut avtobuslarının xətlərində dəyişikliklər edilib.

Nəqliyyatı İntellektual İdarəetmə Mərkəzindən AZƏRTAC-a bildirilib ki, 1 nömrəli marşrut avtobusunun hərəkət cədvəli “Koroğlu” metro stansiyası-Heydər Əliyev prospekti-“28 may” metro stansiyası istiqamətində olacaq. Daha sonra hərəkət cədvəlində dəyişiklik edilən 11 nömrəli marşrutun istiqaməti “H.Aslanov” metro stansiyasından Q.Qarayev prospekti ilə “Koroğlu” metro stansiyası-Ziya Bünyadov prospekti-Ə.Rəcəbli küçəsi-Ak.H.Əliyev küçəsi-“Gənclik” metro stansiyası-Ağaoğlu küçəsi-Xətai prospekti olmaqla əvəz olunub.

38 nömrəli marşrutun yeni xətti Keşlə qəsəbəsi-H.Əliyev prospekti-“Şəfa” stadionu-M.Nərimanov küçəsi-“Ulduz” metro stansiyası-Heydər Əliyev prospekti-A. Nemətulla küçəsi və sonra mövcud xətti ilə əvəz olunub.

136 nömrəli marşrutun xətti “Qara Qarayev” metro stansiyası-“Koroğlu” metro stansiyası-Heydər Əliyev prospekti-Mərdəkan qəsəbəsi-Şüvəlan Şimal DRESS daxil olmaqla əvəz edilib.

184 nömrəli marşrut xətti Suraxanı qəsəbəsi-Heydər Əliyev prospekti-“Koroğlu” metro stansiyası istiqamətində əvəzlənib.

100 saylı marşrut xətti isə ləğv edilərək 136 saylı marşrut daşıycısının xidmətinə verilib. Dəyişiklik sentyabrın 1-dən qüvvəyə minir.