OĞLAQLARI gözləyən yeniliklər onların həyatının bütün sahələrinə müsbət təsir göstərəcəkdir. Ola bilsin, işinizlə bağlı yeni yerə köçəcəksiniz. Maliyyə durumunuz sabit olsa da, hələlik gəlir gözlənilmir. Mənzilinizi təmir etmək və ya mebel almaq üçün xeyli xərcə düşəcəksiniz. Ayağınızı yorğanınıza görə uzadın.

DOLÇALAR bütün təşəbbüsləri üçün uğurlu olan bir dövrə qədəm qoyurlar. Ehtimal ki, daha perspektivli bir iş tapacaqsınız. Əvvəlcə bu ideya sizə cansıxıcı görünəcəkdir, lakin sonradan yaradıcılıq potensialınızı təcəssüm etdirmək və xidməti vəziyyətinizi möhkəmləndirmək üçün qarşınızda əla imkanlar açılacaqdır.

BALIQLAR münaqişəli vəziyyətlərə yol verməməlidirlər. Xoşunuza gəlməsə belə, dostların və həmkarların məsləhətlərini dinləməlisiniz. Onlarla açıq münaqişəyə girişməyin. Əks halda insanları əleyhinizə qaldıracaqsınız. Sonradan bu anlaşılmazlığa son qoymaq çox çətin olacaqdır.

QOÇLAR arzularını imkanlarına uyğunlaşdırmalıdırlar. Tez bir vaxtda qazanılmış uğur elə bir yanlış təsəvvür yarada bilər ki, sanki hər şey sizin üçün göydən zənbillə düşübdür. Ulduzlar sizi buna bənzər tələsik qərarlardan çəkindirir və vəzifələrinizi vicdanla yerinə yetirməyi məsləhət görür.

BUĞALAR bütün səylərini birinci dərəcəli məsələlərin həllinə yönəltməli, əhəmiyyətsiz işlərdən vaz keçməlidirlər. Yoxsa gələcəyinizi qurmaq üçün əlinizə düşəcək fürsəti itirə bilərsiniz. Bu günlər pul kisənizin ağzını açmağa hazır olun. Qorxmayın, maddi durumunuz bir o qədər də ağırlaşmayacaqdır.

ƏKİZLƏR üçün bu həftə əla perspektivlər açacaqdır. Lakin bu, o demək deyildir ki, onların hamısı həyata keçəcəkdir. hadisələrin belə xoş gedişatından maksimum faydalanmaq üçün gələcəyə tuşlanmış ölçülüb-biçilmiş qərarlar qəbul etməlisiniz. Yolunuzda heç bir əngəl olmayacaqdır. Əsas şərt əldə etdiklərinizlə kifayətlənməməyinizdir.

XƏRÇƏNGLƏRİ çox işgüzar həftə gözləyir. İşləriniz mükəmməl və keyfiyyətli asfalt yol kimi hamar olacaqdır. Məqsədlərinizin icrasına nə qədər tez başlasanız, lazımi nəticəni bir o qədər tez əldə edəcəksiniz. Maliyyə məsələləri də ürəyinizcədir. Siz nəinki ailənizin dolanışığını yüksək səviyyədə təmin edəcək, həmçinin büdcənizi bir xeyli artıracaqsınız.

ŞİRLƏR həm özlərini, həm də rəhbərliyi işgüzarlıqları ilə sevindirəcəklər. Yaxşı əhval-ruhiyyə və nikbinlik bütün fəaliyyət sahələrində uğur qazanmağın təminatı olacaqdır. Ətrafdakıların məsləhətlərini qulaqardına vurmayın. Bu məsləhətlər sizə çox faydalı olacaqdır. Yeni tərəfdaşlar tapıb çox qazanclı biznesin təməlini qoya bilərsiniz.

QIZLAR ticarət və maliyyə sahələrində uğurlu olacaqlar. Ətrafda dolaşan və ilk baxışdan əhəmiyyətsiz və mənasız görünən informasiya işlərinizin uğurunu təmin edə bilər. Daha çox işin öhdəsindən gəlmək üçün vaxtınızı düzgün planlaşdırın.

TƏRƏZİLƏR bu həftə özlərini müxtəlif sahələrdə sınayacaqlar. Sizin üçün uğurlu bir dövrdür. Məqsədyönlülüyünüz artacaqdır. Bunun sayəsində bütün işlərdə uğur qazanacaq və ümdə arzunuza çatacaqsınız. İşlərin belə gedişatı irəliləməyiniz üçün etibarlı zəmin yaradacaqdır.

ƏQRƏBLƏR işgüzar əlaqələrini möhkəmləndirəcəklər. İnadkarlığınız və peşəkarlığınız öz bəhrəsini verəcəkdir. Bütün problemlərinizi həll etmək imkanı əldə edəcəksiniz. Tənbəllik etməyin, diqqətinizi işinizə verin. Onda mütləq uğur qazanacaqsınız.

OXATANLAR xüsusən təhsil və ixtisasartırma sahələrində çoxdankı planlarını həyata keçirməyə başlayacaqlar. İşdə təşkilati məsələləri yoluna qoyacaqsınız. Nəticədə vaxtınızı səmərəli planlaşdırmağa, ola bilsin, yeni layihələrə başlamağa imkan tapacaqsınız. Yaxınlarınız sizə dəstək göstərəcəklər.