OĞLAQLAR bu həftə təkcə özləri ilə deyil, ətrafdakı insanlarla da hesablaşmalıdırlar. Siz tərəfdaşlarla münasibətlərinizdə yaranmış kifayət qədər dolaşıq məqamların düyününü açmaqla məşğul olacaqsınız. Vəziyyəti yalnız səbirlə və konstruktiv dialoqun köməyi ilə düzəltmək olar. Bu günlər pul kisənizi ilk növbədə özünüzdən yaxşı-yaxşı qoruyun, çünki bədxərclik sizə baha başa gələ bilər.

DOLÇALAR istədiklərinə nail olmaq üçün yaxşıca əlləşməlidirlər. Diqqətinizi cəmləmək, imkanlarınızı səfərbərliyə almaq və irəliyə doğru kəskin sıçrayış etmək üçün əlverişli dövrdür. Həyatınızda yeni mərhələnin cümə axşamına təsadüf etməsi daha məqsədəuyğun olardı, çünki məhz bu gün sizin üçün çox uğurludur. Hətta hansısa istəkləriniz indiki məqamda gerçəkləşməsə belə qanınızı qaraltmayın. Zaman hər şeyi yerbəyer edəcəkdir.

BALIQLAR sözlərinə və davranışlarına diqqət yetirməlidirlər. Həmkarlarınızla münasibətləriniz gərginləşə bilər. Vəziyyəti münaqişə həddinə çatdırmamağa çalışın, çünki belə olan halda işgüzar planlarınıza dəyişiklik etməli olacaqsınız. Məsul bir qərar qəbul etməmişdən əvvəl vəziyyəti hərtərəfli qiymətləndirin. Yaxşı olar, kiminləsə məsləhətləşəsiniz. Ağıl ağıldan üstündür. Yaxşı olar, bu məsələni evinizdə, yaxınlarınızın əhatəsində, onların məsləhətini dinləyərək həll edəsiniz.

QOÇLAR maneələri asanlıqla dəf edib hər bir vəziyyətdən qalib çıxacaqlar. Bunun üçün başlıca şərt heç bir yerə gecikməməkdir, çünki vaxtınızın hədər yerə sərf edilməsi problemlərə yol açacaqdır. Hər bir işi bütün xırdalığına qədər incələyin. Karyeranızın gələcəyi sizin işinizə nə dərəcədə məsuliyyətlə yanaşmağınızdan asılı olacaqdır. Bu tövsiyələrə diqqətlə yanaşın, çünki gələcək rifahınızın təməli məhz bu günlər qoyulur.

BUĞALAR bədxahların ümidlərini puça çıxarmaq üçün maksimum güc, səbir nümayiş etdirməli, çox diqqətli olmalıdırlar. Başqalarına məsləhət vermək də lazım deyildir. Ağrımayan başınıza dəsmal bağlamağa, başqalarının da məsuliyyətini öz üzərinizə götürməyə ehtiyac yoxdur. Təşəbbüskar da olmayın. Sizə xahişlə müraciət etmələrini gözləyin. Onda öz bacarıq və istedadlarınızla parlaya bilərsiniz.

ƏKİZLƏR bu həftə gözləmə mövqeyi tutub ətrafdakıların niyyətlərindən xəbərdar olmağa çalışmalıdırlar. Həftə işgüzar görüşlər və razılaşmalar imzalamaq baxımından uğurlu olacaqdır. Siz vicdanla gördüyünüz işə və orijinal ideyalarınıza görə mükafatlandırılacaqsınız. İstirahət günləri emosionallıq işə yaramayacaqdır. Emosiyalarınızın kükrəməsi, xüsusən, yaxınlarınızı şok vəziyyətinə sala bilər.

XƏRÇƏNGLƏR təşəbbüskar olmalıdırlar. İndi bircə cəsarətli addımınız gələcəkdə böyük uğurlara yol açacaq, rifahınızın təməli olacaqdır. Yeni işlərə başlamaq ehtimalı vardır. Amma yeni perspektivlər sizdən çox diqqətli və intizamlı olmağı tələb edəcəkdir. Bu dövr tanışlıqlar və mövcud münasibətləri inkişaf etdirmək baxımından da çox əlverişlidir. Aydın məsələdir ki, yeni əlaqələriniz gələcəkdə sizə çox kömək edəcəkdir. Maliyyə vəziyyətinizin sabit olması gələcəyə ümidlə baxmağa imkan verir.

ŞİRLƏR əvvəllər əlçatmaz saydıqları nüfuzlu insanlarla tanış olacaqlar. Nəticədə qarşınızda maddi durumunuzun xeyli yaxşılaşacağını vəd edən yeni perpektivlər açılacaqdır. Yeni gəlir mənbələri tapacaqsınız. Gərgin əməyiniz və işləmək əzminiz sayəsində sizi maliyyə sabitliyi və maddi rifah gözləyir. Siz özünüz üçün cızdığınız məqsədlərə mütləq çatacaqsınız.

QIZLAR hər bir vəziyyəti adekvat qiymətləndirib, onları yaxşılaşdırmaq üçün konstruktiv metodlar tapacaqlar. Ətrafınıza dost və məsləkdaşlar toplamaq üçün sizə əla şans verilir. Bütün diqqətinizi maddi sahəyə yönəltməlisiniz. Sizi mənzilinizin və bağ evinizin təmiri, mebel alınması ilə bağlı böyük xərclər gözləyir. Xərclərinizin özünü doğrultması, məqsədyönlü olması üçün onları düzgün planlaşdırmağa çalışın.

TƏRƏZİLƏR bu həftə mənəvi rahatlıq tapacaqlar. Müşkül məsələlərin həlli, yaradıcılıq ideyalarının və düşüncələrinin gerçək təcəssümü baxımından çox əlverişli həftə olacaqdır. Yığılıb qalmış problemlər asanlıqla həll olunacaq, əldən verilmiş imkanlar yeniləri ilə əvəzlənəcəkdir. Həyatınızdakı bütün münaqişələri yoluna qoymaq və münasibətlərinizi yaxşılaşdırmaq iqtidarındasınız. Yeni insanlarla tanışlıq möhkəm və etibarlı dostluğa çevriləcəyini vəd edir.

ƏQRƏBLƏRƏ də bu həftə nikbin əhval-ruhiyyə vəd edir. Gözəl ovqatınız yeni planların ərsəyə gəlməsi üçün zəmin olacaqdır. Məqsədinizə çatmağın açarı fəallığınız və məqsədyönlülüyünüzdür. Bir yerdə oturmayın, daha çox ünsiyyətə can atın. Həftənin vəd etdiyi gözəl imkanları əldən verməmək üçün lazım olan vaxtda lazım olan yerdə olmalısınız.

OXATANLARIN işgüzar keyfiyyətlərini sərfəli şəkildə təqdim etmək imkanları olacaqdır. Bu həftə son dərəcə ağılla hərəkət etməlisiniz. Arzularınızla gerçəklik arasında ortaq məxrəc tapmalısınız. Sizə yaxınlarınızın müdrik tövsiyələri kömək edəcəkdir. Xəyallara qapılmaq və arzularınızı təcəssüm etdirmək bacarığınız orijinal ideyalar gerçəkləşdirməyə kömək edəcəkdir.