Bahar qədəm basdıqca romantik əhval-ruhiyyə və fərəhli hisslər bütün zodiak işarələrinin nümayəndələrini öz qanadlarına alıb aparacaqdır. Sevdiyiniz insanlara qarşı diqqətli və qayğıkeş olmağı unutmayın. Axı, təbiətin qış yuxusundan oyandığı bir vaxtda yaxınlarınızın sevginizə daha çox ehtiyacı vardır.

OĞLAQLAR problemlərin yaranmasına yol verməmək üçün tənbəlliklərinə üstün gəlib başladıqları işi başa çatdırmalıdırlar. Qadınlar müəyyən vaxt ev qayğılarından uzaqlaşmaq imkanı əldə edəcəklər. Tənhasınızsa, gələcək taleyinizə təsir göstərəcək hadisələr gözlənilir. Bu bürcün evli nümayəndələrinə isə boş yerə özündən çıxmamaq məsləhət görülür.

DOLÇALARA həftə bütün işlərində müsbət meyillər bəxş edəcəkdir. Unutmayın ki, planlarınızı və niyyətlərinizi gizli saxlamalısınız. Yoxsa, onlardan vaz keçməli olacaqsınız. Nəticədə işdə problemlər yaranacaq, bədxahlarınızın fitnə-fəsadı qanınızı qaraldacaq, səhvlərə yol vermək riski güclənəcəkdir. Yəni danışmaq gümüşdürsə, susmaq qızıldır məsəli burada lap yerinə düşür. Çənədən boş olmağınız baha başa gələ bilər.

BALIQLAR bütün təşəbbüslərinə məsuliyyətlə və vicdanla yanaşmalıdırlar. Bu şərtə əməl etməklə, biznesinizlə bağlı bütün problemlərinizi həll edə bilərsiniz. Kommersiya fəaliyyəti ilə məşğul olanları hüquqi məsələlərin həllində, məhkəmə təhqiqatlarının aparılmasında uğur, habelə böyük mənfəət gözləyir.

İşlərinə vurğun olan QOÇLAR, nəhayət, həyatın gözəlliklərini yada salacaqlar. Dost məclisləri, yüngül eşq macərası ruh yüksəkliyi və gözəl əhval-ruhiyyə yaradacaqdır. Ev xanımları özlərinə qazanc yeri tapa biləcəklər. İstənilən vəziyyətdə hövsələli və təmkinli olun və heç bir münaqişəyə getməyin. Onda ailənizdəki əmin-amanlıq hələ uzun sürəcəkdir.

BUĞALAR bir daha şəxsi nümunələrində əmin olacaqlar ki, həyat mübarizədir və bu həftə də istisna deyildir. Dincəlmək istəyəcəksiniz. Amma işlərin cilovunu boşaltmanız yaxşı heç nəyə gətirib çıxartmayacaqdır, rahat həyatınızdan məhrum ola bilərsiniz. Bu həftə heç kəsdən dəstək gözləməyin, yalnız öz gücünüzə arxalanın.

ƏKİZLƏR qısa bir müddətdə böyük mənfəət vəd edən yağlı təkliflərə uymamalıdırlar. Qazanc dalınca qaçmayın. Bu işin perspektivi şübhəlidir. Az sərfəli, lakin daha etibarlı yolu seçin. Hər bir məsələdə orta mövqe tutmağa çalışın ki, məqsədinizə çata biləsiniz. Ailə bağlarınız həmişəkindən daha möhkəmdir. Arxa cəbhənin etibarlı olması sizə inamla irəliləmək imkanı verir.

XƏRÇƏNGLƏR bu həftəni dostlarına həsr edəcəklər. Dostlarla görüşlər münasibətlərinizi keyfiyyətcə yeni səviyyəyə çıxaracaqdır. Səbirli və hövsələli olmağınız, dinləməyi bacarmağınız minnətdarlıqla qarşılanacaq, dostluq münasibətlərinizdə çevriliş edəcəkdir. Hadisələri qabaqlamağa, gördüyünüz və eşitdiyiniz hər fakta münasibət göstərməyə çalışmayın. Bəzən sadəcə susmaq və yeri gələndə nəticə çıxarmaq daha münasib olur.

ŞİRLƏRİN qarşısında zirvəyə aparan yeni imkanlar açılacaqdır. Bu həftə istedadınızı nümayiş etdirmək üçün sizdən yalnız qətiyyət və işgüzarlıq tələb olunacaqdır. Başlıca məsələdə qalib gəlmək üçün xırda məsələlərdə bəzən güzəştə getməli olacaqsınız. Mühüm məsələlərin həllində və uzunmüddətli planlaşdırma işlərində sizə müdrikliyiniz kömək edəcəkdir.

QIZLAR özlərini hər baxımdan əla əhval-ruhiyyədə hiss edəcəklər. Cazibəniz insanları tərk-silah edəcəkdir. Onlar layihənizə qoşulub sizinlə birlikdə işləmək istəyəcəklər. Uğuru qoruyub-saxlamaq üçün nailiyyətlərinizin çərçivəsini dəqiq müəyyən etməli, xırda məsələlərin diqqətinizi yayındırmasına imkan verməməlisiniz. Bu həftə maraqlı işgüzar təkliflər alacaqsınız.

TƏRƏZİLƏR bu həftə öz maraqlarını müdafiə etmək üçün inadkar olmalıdırlar. İşdə bütövlükdə əmin-amanlıqdır. Bu sakitlik sayəsində sənədlərinizi qaydaya salacaqsınız. Lakin çiyninizə əlavə yük götürüb başqalarının işini görməyə çalışmayın.

ƏQRƏBLƏRİ bu həftə ailə və qohum münasibətləri sevindirəcəkdir. Evdəkilər sizə başağrısı yarada bilərlər. Onların xahişlərinə diqqət və məsuliyyətlə yanaşın. Axı, sizə inanır və dəstək gözləyirlər. Vaxtınızı onlarla keçirəndə xoşagəlməz mövzulara toxunmamağa çalışın.

OXATANLAR ictimai və işgüzar həyatlarında müsbət dəyişikliklər hiss edəcəklər. Ailənizin dəstəyinə söykənmək sizə enerji verəcək, sabahkı günə və öz gücünüzə inamı artıracaqdır. Bu cür əhvalla ən mürəkkəb məsələlərin öhdəsindən asanlıqla gələcəksiniz. Sevdiklərinizlə dil tapmağınız sayəsində eviniz rahat və mehriban ailə ocağına çevriləcəkdir.