Siyəzəndə mağazalardan oğurluq edən şəxs saxlanılıb VİDEO
Siyəzən, 20 aprel, Elxan Yusifli, AZƏRTAC
Siyəzən rayonu ərazisində mağazalardan oğurluq edərək vətəndaşlara, ümumilikdə, 2 min 800 manat ziyan vuran şəxs saxlanılıb.
AZƏRTAC-ın bölgə müxbiri xəbər verir ki, Siyəzən Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində oğurluqları törədən şəxsin şəhər sakini Nəzərov Mayis Əlif oğlu olduğu müəyyənləşib.
Araşdırmalarla müəyyən olunub ki, əvvəllər də eyni əməllərə görə məhkumluq həyatı yaşamış M.Nəzərov aprelinin 8-dən 14-dək beş müxtəlif mağazadan geyim əşyaları və ərzaq məhsulları oğurlayıb.
Faktlarla bağlı cinayət işi açılıb.
Bölmənin digər xəbərləri
