Sözün bitdiyi yer
Bakı, 19 fevral, AZƏRTAC
Fevralın 24-də Azərbaycan İstiqlal Muzeyinin ekspozisiyasında Xocalı soyqırımına həsr olunmuş “Sözün bitdiyi yer” adlı tədbir-sərgi təşkil olunacaq.
Muzeydən AZƏRTAC-a bildiriblər ki, sərgidə ilk dəfə olaraq mərhum gənc rəssam Cavid Bayramlının Xocalı faciəsini əks etdirən əsərləri, muzeyin fondunda saxlanılan bu mövzuya aid sənədlər nümayiş etdiriləcək. C.Bayramlının əsərləri qohumları tərəfindən muzeyə daimi mühafizə üçün təhvil verilib.
Tədbirdə Azərbaycan İstiqlal Muzeyinin direktoru Fəridə Şəmsi, Xocalı faciəsinin canlı şahidi, Qarabağ müharibəsi əlili Surxay Quliyev, Azərbaycan Dövlət Rəssamlıq Akademiyasının dekorativ və tətbiqi sənət kafedrasının dekanı, dosent İmran Kərimov və başqaları çıxış edəcəklər.
Mərasimdə Təhsil Nazirliyinin Təhsil alan Gənclərin Respublika Yaradıcılıq Evinin üzvləri tərəfindən Xocalı faciəsinə həsr olunmuş kompozisiya nümayiş olunacaq.
Bölmənin digər xəbərləri
