Sükut dəqiqəsi
Bakı, 26 fevral, AZƏRTAC
Fevralın 26-da Bakı vaxtı ilə saat 17:00-da Azərbaycanın bütün ərazisində Xocalı soyqırımı qurbanlarının əziz xatirəsi bir dəqiqəlik sükutla yad olunub.
AZƏRTAC xəbər verir ki, həmin anda paytaxtın küçələrində nəqliyyat vasitələrinin hərəkəti dayandırılıb.
Azərbaycan paytaxtının minlərlə sakini fevralın 26-da Xətai rayonunda faciə qurbanlarının xatirəsinə ucaldılmış abidəni ziyarət edərək, şəhidlərin xatirəsini ehtiramla anıblar.
Respublikamızın bütün bölgələrində və xarici ölkələrdə anma mərasimləri keçirilib.
Allah bütün şəhidlərimizə rəhmət eləsin!
Bölmənin digər xəbərləri
