REGİONLAR
Sumqayıt gəncləri üçün “Gələcəyin smart modelləri” adlı təlim keçirilib
Sumqayıt, 17 may, Ətrabə Rzayeva, AZƏRTAC
Sumqayıt Gənclər və İdman Baş İdarəsi şəhərin Gənclər Evində və 15 saylı tam orta məktəbdə robotexnika mövzusunda “Gələcəyin smart modelləri” adlı təlim keçirib.
İdarədən AZƏRTAC-a bildirilib ki, məqsəd gənclər arasında robotexnika sahəsində startap hərəkatının inkişafı, texnoloji və innovasiya ideyalarının həyata keçirilməsinə dəstək və onların İT bacarıqlarını inkişaf etdirməkdir.
Təlimdə robot texnologiyaları, mühəndislik və kod tədrisi, İKT sahəsində mühəndislik və müasir texnologiya üsulları istiqamətində ilkin biliklər gənclərin diqqətinə çatdırılıb, maraqlı qrup çalışmaları təşkil edilib.
Sonda iştirakçıları maraqlandıran suallar cavablandırılıb, fəal gənclərə sertifikatlar təqdim olunub.