Tarix bu faciəni heç vaxt unutmayacaq
Bakı, 26 fevral (AZƏRTAC). Xocalı soyqırımı XX əsrdə erməni faşistlərinin törətdikləri ən dəhşətli qətliamdır. Bu, ermənilər tərəfindən xalqımıza qarşı törədilmiş soyqırımıdır.
Bu sözləri AZƏRTAC-a müsahibəsində Xocalı soyqırımının 20-ci ildönümü ilə əlaqədar fevralın 26-da Bakıda keçirilən ümumxalq yürüşündə iştirak edən paytaxtdakı 117 nömrəli orta məktəbin tarix müəllimi Mirnağı Nəzərli demişdir.
M.Nəzərli bildirmişdir ki, belə soyqırımı siyasəti tarixdə bir neçə dəfə baş vermişdir. Lakin Xocalı soyqırımı zamanı erməni faşistləri törətdikləri amansız qətliamla alman faşizmini də geridə qoymuşlar. Bu qətliam ermənilərin sovet hərbi birləşmələri ilə birgə azərbaycanlılara qarşı kütləvi, planlı və düşünülmüş soyqırımı aktıdır.
Azərbaycan xalqı, tarix bu qəddarlığı heç vaxt unutmayacaqdır. Xalqımız hər il bu faciəni dərin hüznlə yad edir. Ölkəmiz bu hadisəyə siyasi-hüquqi qiymət verilməsi üçün çalışır. Ümid edirəm ki, dünya ictimaiyyəti də bu məsələyə obyektiv münasibət bildirəcəkdir. Artıq Azərbaycan dünyada öz mövqeyini möhkəmləndirir və şübhəsiz ki, Xocalı soyqırımı ədalətli, hüquqi qiymətini alacaqdır.
Bölmənin digər xəbərləri
