DÜNYA
Türkiyəli usta ABŞ-da keçiriləcək festivalda iştirak edəcək
Bakı, 28 iyul, Ceyhun Alışov, AZƏRTAC
Türkiyədə məşhur "Çarıq ustası" kimi tanınan Hüseyn Kopar ABŞ-da keçiriləcək "Əl sənətləri" festivalında iştirak edəcək.
AZƏRTAC Anadolu agentliyinə istinadla xəbər verir ki, sənətkar indiyədək Hollivudun məşhur olan müxtəlif filmlərinin qəhrəman obrazları üçün el arasında "Yəməni" adlandırılan bir sıra kostyumlar və çarıqlar tikib.
Hüseyn Kopar qeyd edib ki, "Böyük İsgəndər", "Fateh 1453", "Troya", "Harry Potter", "Yüzülliklərin əfəndisi", "Aregon" və "Avatar" kimi filmlərdə onun hazırladığı kostyum və çarıqlardan istifadə edilib.
Avqustun 30-da ABŞ-ın Çikaqo şəhərində reallaşacaq festivalda sənətkarın əl işləri sərgilənəcək.
Qeyd edək ki, H. Kopar 43 ildir çarıqçılıq sənəti ilə məşğul olur.