Ukraynada “Xocalı ayı” elan edilib
Kiyev, 7 fevral, AZƏRTAC
Azərbaycanın Ukraynadakı səfirliyi, diaspor təşkilatları və Ukrayna Azərbaycanlı Gənclər Birliyinin (UAGB) birgə təşəbbüsü ilə Ukraynada “Xocalı ayı” elan edilib.
AZƏRTAC xəbər verir ki, “Xocalıya ədalət!” kampaniyası çərçivəsində Ukraynanın bütün vilayətlərində Xocalı soyqırımı ilə bağlı etiraz aksiyaları, anım tədbirləri keçiriləcək.
Tədbirlər planına əsasən, Ukraynanın bir sıra vilayət və şəhərlərinin mərkəzi meydanlarında “Xocalıya ədalət!” kampaniyası çərçivəsində yürüşlər təşkil olunacaq, Xocalı soyqırımını əks etdirən fotoinformasiya bukletləri paylanılacaq, soyqırımı haqqında elmi-praktik seminarlar keçiriləcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
