Bakı, 3 may (AZƏRTAC). Mayın 6-7-də Bakıda ulu öndər Heydər Əliyevin 90 illik yubileyinə həsr olunmuş mini-futbol turniri keçiriləcəkdir.

Azərbaycan Xüsusi Olimpiya Komitəsindən AZƏRTAC-a bildirmişlər ki, komitənin “İnter” Peşəkar İdman Klubu ilə birgə təşkil olunmuş mini-futbol turnirində Bakı-Abşeron, Gəncə, Sumqayıt, Lənkəran, Şəki, Göyçay və Salyan regional proqramlarının xüsusi, yardımçı məktəb və internatlarından 21 komanda və 200-dən çox futbolçu iştirak edəcəkdir.

Turnirin açılış mərasimi və oyunlar “Şəfa” stadionunda keçiriləcəkdir.