Unudulmayan tarix
Bakı, 18 yanvar, AZƏRTAC
Azərbaycan Xalça Muzeyində 20 Yanvar faciəsinin növbəti ildönümü ilə əlaqədar “Unudulmayan tarix” adlı tədbir keçiriləcək.
Muzeydən AZƏRTAC-a bildirilib ki, yanvarın 19-da təşkil olunacaq tədbirin keçirilməsində məqsəd gələcəyimizin təmsilçiləri olan uşaqlara və gənclərə milli azadlığımızın əsasını qoyan, öz qanları ilə müstəqilliyimizi əbədi olaraq şanlı tariximizə həkk edən şəhidləri unutmamağa və qəlblərdə yaşatmağa səsləməkdir.
Tədbirdə Şuşa Dövlət Musiqili Dram Teatrının aktyorlarının ifasında “Yanvarın 20-ci günü” adlı kompozisiya, həmçinin şagirdlərin əl işlərindən ibarət “Qanlı yanvar” adlı rəsm sərgisi təqdim ediləcək.
Bölmənin digər xəbərləri
