Ürəklərdə qalan arzular...
Bakı, 23 fevral, AZƏRTAC
Fevralın 23-də Nəsimi Rayon İcra Hakimiyyətinin akt zalında H. Sarabski adına Mədəniyyət evinin Xocalı faciəsinin 23-cü ildönümünə həsr etdiyi “26 Fevral 1992... Xocalı soyqırımını Unutma!!!“ mövzusunda tədbir keçirilib.
AZƏRTAC xəbər verir ki, tədbirdə əvvəlcə Xocalı soyqırımı qurbanlarının xatirəsi bir dəqiqəlik sükutla yad edilib və video slayd nümayiş edilib.
Mərasimdə Nəsimi Rayon İcra Hakimiyyətinin başçısı Nəsib Məhəməliyev, Milli Məclisin deputatı Məlahət İbrahimqızı çıxış edərək, Xocalı faciəsində baş verən qanlı hadisələrdən söhbət açıblar.
Bildirilib ki, Xocalı soyqırımı 1992-ci il fevralın 25-dən 26-na keçən gecə Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə azərbaycanlılara qarşı baş vermiş qanlı soyqırımı aktıdır.
Tədbirdə Mədəniyyət evinin Xalq teatrının ifasında “Ürəkdə qalan arzular “ adlı tamaşa-kompozisiya təqdim olunub.
Bölmənin digər xəbərləri
