“Xoca” filmi İsveçrədə nümayiş etdirilmişdir
Bakı, 25 fevral (AZƏRTAC). Xocalı soyqırımının 21-ci ildönümü ilə əlaqədar İsveçrənin Baden şəhərində “Azərbaycanın Dostları” Birliyi və Azərbaycanın İsveçrə Konfederasiyasındakı səfirliyinin dəstəyi ilə anım mərasimi keçirilmişdir.
Diasporla İş üzrə Dövlət Komitəsindən AZƏRTAC-a bildirmişlər ki, tədbirdə Xocalı soyqırımı qurbanlarının və torpaqlarımızın ərazi bütövlüyü uğrunda şəhid olmuş oğul və qızlarımızın xatirəsi bir dəqiqəlik sükutla yad olunmuşdur.
Sonra rejissor Vahid Mustafayevin Xocalı soyqırımından bəhs edən “Xoca” filmi nümayiş etdirilmişdir.
Tədbirdə Xocalı faciəsinin XX əsrin ən qanlı soyqırımılarından olduğu vurğulanmış, bu amansız cinayəti törədənlərin layiqli cəzalarını almalarının vacibliyi diqqətə çatdırılmışdır.
Bölmənin digər xəbərləri
