Xocalı-qan yaddaşımız
Şamaxı, 26 fevral (AZƏRTAC). AZƏRTAC xəbər verir ki, Xocalı faciəsinin 19-cu ildönümü ilə əlaqədar Şamaxıda keçirilən silsilə tədbirlər çərçivəsində Heydər Əliyev Mərkəzində “Xocalı-qan yaddaşımız” adlı növbəti mərasim təşkil olunmuşdur.
Yeni Azərbaycan Partiyası Şamaxı rayon təşkilatı fəallarının və gənclərin qatıldığı tədbirdə təşkilatın aparat rəhbəri Altay Məmmədov, Heydər Əliyev Mərkəzinin direktoru vəzifəsini icra edən Rəfail Tağızadə, tələbə-gənclər birliyinin sədri Aysel Bədəlova çıxış etmiş, bu qanlı cinayətin əsrlər boyu xalqımızın qəlbində ağrılı bir xatirə kimi qalacağını bildirmişlər.
Tədbirdə “Qarabağın işğalı, Xocalı faciəsi” adlı ədəbi-bədii kompozisiya təqdim olunmuş, Xocalı faciəsinə həsr edilmiş film göstərilmişdir.
Bölmənin digər xəbərləri
