Xocalı qan yaddaşımızdır
Bakı, 22 fevral (AZƏRTAC). Fevralın 22-də M.S.Ordubadinin ev-muzeyində “Xocalıya ədalət!” beynəlxalq kampaniyası çərçivəsində soyqırımın iyirminci ildönümünə həsr olunmuş “Xocalı - qan yaddaşımız” mövzusunda anma mərasimi keçirilmişdir.
AZƏRTAC xəbər verir ki, mərasimdə çıxış edənlər erməni millətçi-şovinistlərinin 20 il əvvəl Xocalıda Azərbaycan xalqına qarşı həyata keçirdikləri soyqırımı siyasətindən söhbət açmışlar. Belə tədbirlərin gənclərin milli mənəvi və vətənpərvərlik ruhunda tərbiyəsində rolu yüksək qiymətləndirilmişdir.
Tədbirdə Respublika Gənc Turistlər və Diyarşünaslıq Mərkəzinin dərnək üzvləri olan Xətai rayonundakı 27 nömrəli orta məktəbin şagirdləri “Xocalı - qan yaddaşımız” mövzusunda ədəbi-bədii kompozisiya nümayiş etdirmişlər.
Bölmənin digər xəbərləri
