XOCALI YADDAŞIMIZDA ƏBƏDİ QALACAQDIR
Bakı, 26 fevral (AZƏRTAC). Fevralın 26-da Bakı Xoreoqrafiya Məktəbində Xocalı soyqırımının 18-ci ildönümünə həsr olunmuş tədbir keçirilmişdir.
Məktəbin direktoru, əməkdar müəllim Nilufər Kərimova və digər çıxış edənlər 1992-ci il fevralın 25-dən 26-na keçən gecə ermənilərin keçmiş SSRİ-nin 366-cı motoatıcı alayının köməyi ilə Xocalı şəhərində törədilən soyqırımı pisləmiş, xain qonşularımızın şəhəri yer üzündən silməyə çalışaraq qocaya, qadına, uşağa belə rəhm etmədən törətdiyi vəhşiliyi insanlığa sığmayan cinayət adlandırmışlar. Xocalı faciəsinin şahidləri qanlı hadisələri, dəhşətli işgəncələri yada salmışlar.
Tədbirdə şagirdlər ədəbi-bədii kompozisiya göstərmiş, foyedə Xocalı soyqırımı ilə əlaqədar sərgi nümayiş etdirilmişdir.
Bölmənin digər xəbərləri
