Xocalım, qan yaddaşım...
Bakı, 24 fevral (AZƏRTAC). Fevralın 24-də Türkan qəsəbə mədəniyyət evi və “Gəncliyin Elmi-Mədəni İnkişafı” İctimai Birliyinin (GEMİ İB) birgə təşəbbüsü ilə Xocalı soyqırımının 19-cu ildönümünə həsr olunmuş “Xocalım, qan yaddaşım” adlı tədbir keçirilmişdir.
AZƏRTAC xəbər verir ki, tədbirdə GEMİ İB-nin sədri Sərdar Yusifoğlu, mədəniyyət evinin bədii rəhbəri Könül Mayılova, metodist Röyal Cəbiyev və başqaları çıxış edərək, 1992-ci il fevralın 25-dən 26-na keçən gecə erməni quldur birləşmələrinin öz havadarları ilə birlikdə dinc Xocalı sakinlərinə qarşı törətdikləri soyqırımı aktını tarixi cinayət kimi qiymətləndirmişlər. Azərbaycan xalqının gec-tez yağı düşməndən qisas alacağına inam ifadə olunmuşdur.
Sonda mədəniyyət evinin özfəaliyyət kollektivi üzvlərinin və 119 nömrəli məktəbin şagirdlərinin ifasında Xocalı soyqırımına həsr olunmuş ədəbi-bədii kompozisiya nümayiş etdirilmişdir.
Bölmənin digər xəbərləri
