İDMAN


Topaz Premyer Liqası: “Qəbələ” “Qarabağ”ı minimal hesabla məğlub edib

Bakı, 22 oktyabr, AZƏRTAC

Azərbaycan Premyer Liqasının IX turunun son qarşılaşmasında “Qəbələ” doğma meydanda “Qarabağ”ı qəbul edib.

AZƏRTAC xəbər verir ki, Qəbələ Şəhər Stadionunda baş hakim Ömər Paşayevin idarə etdiyi matçın səkkizinci dəqiqəsində Asif Məmmədovun qolu ilə hesabı meydan sahibləri açıb. Oyunun ilk hissəsi bu hesabla da başa çatıb.

İkinci hissə qarşılıqlı hücumlar şəraitində keçsə də hesab dəyişməyib.

Bu oyundan sonra "Qarabağ" və "Qəbələ" komandalarının hər birinin 19 xalı var.

Turnir cədvəlinə isə "Qarabağ" başçılıq edir. "Qəbələ" isə bu oyunda aktivinə üç xal əlavə edərək ikinci pilləyə yüksəlib. Üçüncü yerdə 18 xalla "Zirə" qərarlaşıb.

Turnir cədvəlində digər pillələrdə müvafiq olaraq "Sumqayıt" (13), "Neftçi" (10), "Səbail" (9), "İnter" (8) və "Kəpəz"(4) yer alıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.