Energetika naziri Biləsuvarda vətəndaşların müraciətlərini dinləyib
Bakı, 26 aprel, AZƏRTAC
Bu gün energetika naziri Pərviz Şahbazov Biləsuvar rayon Heydər Əliyev Mərkəzində vətəndaşlarla görüşüb.
Energetika Nazirliyindən AZƏRTAC-a bildirilib ki, nazirliyin aidiyyəti struktur bölmə rəhbərlərinin iştirakı ilə keçirilmiş görüşdə vətəndaşların elektrik enerjisi təchizatı, şəbəkəyə qoşulma, küçə işıqlandırılması, kabellərin çəkilişi, enerjinin keyfiyyəti, elektrik veriliş xətlərinin mühafizə zonası, qurğu və avadanlıqların istismar vəziyyəti, təbii qaz təchizatı, qaz və elektrik enerjisi sərfiyyatına görə yaranmış borc və cərimələr, həmçinin digər məzmunlu müraciətləri dinlənilib, qaldırılan məsələlərin qanunvericiliyin tələblərinə uyğun həll edilməsi üçün müvafiq tapşırıqlar verilib.
Görüşdə Biləsuvar rayonu ilə yanaşı, Bakı və Şirvan şəhərləri, həmçinin Lənkəran, Salyan və Cəlilabad rayonlarından olan 22 vətəndaş iştirak edib.
Bölmənin digər xəbərləri
