Bu ilin əvvəlindən Dövlət Gömrük Komitəsinin xətti ilə dövlət büdcəsinə 446 milyon manat vəsait köçürülüb VİDEO
Xaçmaz, 27 fevral, Elxan Yusifli, AZƏRTAC
2018-ci ilin yanvar-fevral ayları ərzində Dövlət Gömrük Komitəsinin xətti ilə dövlət büdcəsinə 446 milyon manat vəsait köçürülüb.
AZƏRTAC-ın bölgə müxbiri xəbər verir ki, bu barədə fevralın 27-də Dövlət Gömrük Komitəsinin sədri, gömrük xidməti general-polkovniki Aydın Əliyev Xaçmaz şəhərində şimal bölgəsindən olan vətəndaşların qəbulu zamanı jurnalistlərə açıqlamasında məlumat verib.
"İlin əvvəlində dövlət büdcəsinə 446 milyon manatdan artıq vəsait köçürülüb. Bu da ötən ilin müvafiq dövrü ilə, eyni zamanda, bu ilin bölgüsü ilə müqayisədə proqnozun artıqlaması ilə yerinə yetirilməsi deməkdir", - deyə Dövlət Gömrük Komitəsinin sədri Aydın Əliyev bildirib.
Bölmənin digər xəbərləri
