MƏDƏNİYYƏT


“Sülh aylığı” çərçivəsində növbəti kitab sərgisi təşkil olunub

Bakı, 12 sentyabr, AZƏRTAC

Bakı Şəhər Mədəniyyət Baş İdarəsi Qaradağ rayon Mərkəzləşdirilmiş Kitabxana Sisteminin 5 nömrəli filialında ölkəmizdə 21 avqust - 21 sentyabr tarixlərində keçirilən “Sülh aylığı” çərçivəsində “Qoy həmişə sülh olsun!” adlı məlumat saatı və kitab sərgisi təşkil olunub.

Kitabxanadan AZƏRTAC-a bildirilib ki, tədbirdə uşaqlara 21 sentyabr - Beynəlxalq Sülh Günü ilə bağlı geniş məlumat verilib. Bildirilib ki, sülh bəşəri rəmzə çevrilərək insanların arzu etdiyi və can atdığı bütün müsbət keyfiyyətləri özündə birləşdirən bir məfhumdur. Beynəlxalq Sülh Günü BMT-nin 30 noyabr 1981-ci ildə qəbul edilmiş qətnaməsi ilə bütün dünyada qeyd olunur.

Daha sonra tədbir iştirakçıları kitab sərgisi ilə tanış olublar.

Sonda uşaqlar sülhün rəmzi olan göyərçin rəsmləri çəkiblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.