DÜNYA


Filippin Çinin Uxan şəhərindən gəlmiş turistləri geri qaytarır

Tokio, 25 yanvar, AZƏRTAC

Filippin yeni koronavirusun yayılmasının qarşısını almaq məqsədilə Çinin Uxan şəhərindən gəlmiş 460-dan çox turistin geri qaytarılması barədə qərar qəbul edib.

AZƏRTAC Filippin KİV-lərinə istinadla xəbər verir ki, yanvarın 23-dən başlayaraq Uxan şəhərindən bu ölkəyə təyyarə reysləri ləğv edilib. Uxan şəhərindən 464 turistin Kalibo beynəlxalq aeroportuna yanvarın 23-də gəldiyi bildirilir. Həmin turistlərin Filippinin Borakay adasında və digər kurort şəhərlərində olduğu qeyd edilir. Bu turistlərdən 314-nün artıq Uxan şəhərinə qaytarıldığı, qalanlarının isə yanvarın 27-də yola salınacağı bildirilir.

Turistlərdən heç birində yeni koronavirusun simptomları – öskürək və titrətmə qeydə alınmasa da, onların geri qaytarılması düzgün hesab edilir. Belə ki, yeni virusun inkubasiya dövrü dəqiq məlum deyil.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.