DÜNYA


Hindistanda ötən gün COVID-19 səbəbindən 1247 ölüm qeydə alınıb

Pekin, 19 sentyabr, AZƏRTAC

Hindistanda ötən sutka ərzində COVID-19 səbəbindən 1247 ölüm qeydə alınıb. Bununla da ölkədə COVID-19 qurbanlarının sayı 85 min 619-a çatıb. Hindistan COVID-19 səbəbindən ötəngünkü ölüm hallarının sayına görə bütün ölkələri qabaqlayıb.

AZƏRTAC Hindistanın Federal Səhiyyə Nazirliyinin açıqlamasına istinadla xəbər verir ki, ötən sutka ölkədə yeni növ koronavirusa 93 min 337 yoluxma faktı aşkarlanıb. Bu göstərici də ötən gün üzrə bir ölkədə qeydə alınan ən böyük rəqəmdir. Son 11 sutkada Hindistanda orta sutkalıq yoluxma sayı 90 mindən çox olub.

Qeyd edək ki, hazırda pandemiyanın episentrinə çevrilən Hindistan COVID-19 virusuna yoluxanların sayına görə ABŞ-dan sonra ikincidir.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.