İQTİSADİYYAT


Dövlət Gömrük Komitəsinin sədri İsrailin Azərbaycandakı səfiri ilə görüşüb

Bakı, 4 iyul, AZƏRTAC

İyulun 4-də Dövlət Gömrük Komitəsinin (DGK) sədri, gömrük xidməti general-polkovniki Səfər Mehdiyev İsrail Dövlətinin Azərbaycan Respublikasındakı fövqəladə və səlahiyyətli səfiri Corc Dik ilə görüşüb.

Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Səfər Mehdiyev Azərbaycanla İsrail arasında qarşılıqlı faydalı əməkdaşlıq münasibətlərinin səviyyəsindən məmnunluğunu ifadə edib, əlaqələrin gələcəkdə daha da intensivləşəcəyinə ümidvar olduğunu deyib.

İki ölkənin əməkdaşlıq münasibətlərinin genişlənməsində gömrük orqanlarının da üzərinə mühüm vəzifələrin düşdüyünü söyləyən Komitə sədri Azərbaycan və İsrail gömrük xidmətləri arasında qarşılıqlı səfərlərin, məlumat və təcrübə mübadiləsinin əlaqələrin gücləndirilməsində xüsusi rol oynadığını vurğulayıb.

Prezident İlham Əliyevin rəhbərliyi ilə respublikamızda həyata keçirilən islahatlar çərçivəsində gömrük sistemində aparılan modernləşdirmə layihələri barədə məlumat verən DGK sədri bildirib ki, gömrük xidmətində daha çevik və dinamik strukturun formalaşması ölkənin tranzit və ixrac potensialının artırılmasına, beynəlxalq ticarətin asan və sürətli şəkildə həyata keçirilməsinə şərait yaranıb.

Səmimi qəbula görə təşəkkürünü bildirən İsrail Dövlətinin Azərbaycandakı fövqəladə və səlahiyyətli səfiri Corc Dik DGK-nın rəhbərliyi ilə görüşündən məmnunluğunu ifadə edib.

Ölkələrimiz arasında iqtisadi, siyasi, mədəni əlaqələrin hazırkı durumunu yüksək qiymətləndirən qonaq İsrailin Azərbaycanla bütün sahələrdə əməkdaşlığa xüsusi önəm verdiyini bildirib.

Səfir İsrail və Azərbaycan gömrük orqanlarının qarşılıqlı əməkdaşlığından razılıqla söhbət açıb, birgə əməkdaşlığın perspektivlərindən danışıb və bu münasibətlərin daha da intensivləşdirilməsinin vacibliyini vurğulayıb.

Sonra görüşdə qarşılıqlı maraq doğuran məsələlərlə bağlı fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.