“Qarabağ” ilə “Qalatasaray”ın prezidentləri Şəhidlər xiyabanını ziyarət ediblər

Bakı, 26 mart, AZƏRTAC

Ağdamın “Qarabağ” futbol klubunun prezidenti Tahir Gözel xeyriyyə oyunu üçün Bakıya gələn Türkiyənin “Qalatasaray” komandasının prezidenti Dursun Özbeklə görüşüb.

AZƏRTAC Ağdam təmsilçisinə istinadla xəbər verir ki, görüş zamanı klub prezidentləri bu oyunun əhəmiyyətindən söz açıblar.

Daha sonra klub rəsmiləri Şəhidlər xiyabanını ziyarət ediblər.