Professor Valeria Fedeli: Metropolislər həm özləri, həm də ölkə üçün daha cəlbedici rol oynaya bilərdilər VİDEO

22.05.2026 [11:25]
Çap et
A⁺ A^-

Bakı, 22 may, AZƏRTAC

İtaliyada iqtisadiyyat sahəsində tanınmış bir alim var, Canfranko Viesti. O, İtaliyada, Avropanın və dünyanın bir çox digər ölkələrində olduğu kimi, metropolitan ərazilərinin öz imkanlarından aşağı səviyyədə fəaliyyət göstərdiyini qeyd edir.

AZƏRTAC xəbər verir ki, bu fikirləri Ümumdünya Şəhərsalma Forumunun 13-cü Sessiyası (WUF13) çərçivəsində "XXI əsrdə azadlıq üçün Mənzil ərazi Paktı, Metropolitanların mənzil hüququ ilə bağlı BMT Qətnaməsinə doğru" adlı sessiya zamanı Milan Politexnik Universitetinin professoru Valeria Fedeli səsləndirib.

Onun fikrincə, metropolitanlar həm özləri, həm də ölkə üçün daha cəlbedici bir rol oynaya bilərdilər.

"Bu, çox vacibdir, çünki məsələ yalnız iqtisadiyyat deyil, həm də strateji funksiyaların, yüksək texnologiyalı iş yerlərinin, torpaq dəyərinin, patentlərin kifayət qədər ənənəvi şəkildə, müəyyən mənada, məhz bu metropolitan ərazilərin mərkəzində cəmləşməsidir", - deyə professor əlavə edib.

_{Fotoqraf - Nicat Əlili}