MƏDƏNİYYƏT


Azərbaycan təmsilçilərinin “Eurovision-2011”-də ifa edəcəkləri mahnının adı martın 13-də məlum olacaqdır

Bakı, 11 mart (AZƏRTAC). Azərbaycanın “Eurovision-2011” mahnı müsabiqəsindəki təmsilçiləri Eldar Qasımov və Nigar Camalın ifa edəcəkləri mahnının adı bu günlərdə açıqlanacaqdır.

İctimai Televiziya və Radio Yayımları Şirkətindən (İTV) AZƏRTAC-a bildirmişlər ki, artıq mahnılar arasından seçim başa çatmaq üzrədir. Ötən illərdə olduğu kimi, bu il üçün də Azərbaycanın “Eurovision-2011”-də ifa olunacaq mahnısının seçimində milli münsiflərlə yanaşı, xarici ekspertlərin də rəyi nəzərə alınacaqdır. Təmsilçilərimizin ifa edəcəkləri mahnının martın 13-dək seçiləcəyi nəzərdə tutulmuşdur. Son mərhələdə mütəxəssislər 10-a yaxın mahnı arasından seçimlərini davam etdirirlər.

Azərbaycan təmsilçilərinin bu müsabiqədə ifa etməsi üçün yerli bəstəkarlarla yanaşı, dünyanın bir sıra ölkələrindən müəlliflər əsərlərini İTV-yə göndərmişlər. Mütəxəssislərə “Eurovision-2011” müsabiqəsində Azərbaycan adından səslənməsi üçün təqribən 60-dan artıq mahnı təqdim olunmuşdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.