SİYASƏT


“7Dnevno” nəşri: Xorvatiya Cənub Qaz Dəhlizində maraqlıdır

Zaqreb, 14 avqust, AZƏRTAC

Xorvatiyanın siyasi həftəlik “7Dnevno” nəşrində və “Geopolitika News” internet portalında “Xorvatiya Cənub Qaz Dəhlizində maraqlıdır” başlıqlı müsahibə dərc olunub.

AZƏRTAC xəbər verir ki, müsahibədə ölkəmizin Xorvatiyadakı səfiri Fəxrəddin Qurbanov Azərbaycan-Xorvatiya münasibətlərindən və əməkdaşlığının perspektivlərindən danışıb, ölkəmizin xarici siyasətinin əsas istiqamətləri haqqında sualları cavablandırıb.

Səfir F.Qurbanov Cənub Qaz Dəhlizi barədə məlumat verərək, layihənin siyasi, iqtisadi, geosiyasi və enerji təhlükəsizliyi aspektlərində verdiyi töhfəni dolğun şəkildə ifadə edib.

Eyni zamanda, qeyd olunub ki, ilk dəfə olaraq Şəki ilə Varajdin şəhərləri arasında “Dostluq və əməkdaşlıq haqqında” xartiya imzalanıb. Şəhərlər arasında iqtisadi, mədəni, elmi, texniki və turizm sahələrində əlaqələrin yaradılması Azərbaycan-Xorvatiya münasibətlərinin daha da inkişaf etdirilməsinə töhfə verəcək.

Bununla yanaşı, səfir Azərbaycanın dövlətçilik tarixi, diplomatik xidmət orqanlarının yaranması və 100 illik yubileyi barədə, 10 milyonuncu vətəndaşımız dünyaya gəlməsi və hadisənin əhəmiyyəti ilə bağlı sualları cavablandırıb.

İqbal Hacıyev

AZƏRTAC-ın xüsusi müxbiri

Zaqreb

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.