DÜNYA
Məşhur kinorejissor Eldar Ryazanov xəstəxanaya yerləşdirilib VİDEO
Bakı, 25 noyabr, AZƏRTAC
SSRİ xalq artisti Eldar Ryazanov müayinə olunmaq üçün xəstəxanaya yerləşdirilib.
AZƏRTAC TASS informasiya agentliyinə istinadla xəbər verir ki, bu barədə məlumat verən rejissorun yaxınları Eldar Ryazanovla telefonda danışdıqlarını və narahatçılıq üçün səbəb olmadığını bildiriblər.
Dostlarının dediyinə görə, Ryazanov özünü yaxşı hiss etmədiyindən həkim çağırılıb və o, rejissora hər ehtimala qarşı bir neçə gün xəstəxanada qalmağı məsləhət bilib.
Moskva səhiyyə departamentindən Ryazanovun Burdenko adına neyrocərrahiyyə institutuna yerləşdirildiyi barədə məlumatı təsdiqləyiblər.
Noyabrın 18-də 87 yaşı tamam olan Eldar Ryazanov 20-yə yaxın filmin müəllifidir. Onlardan ən məşhurları “Karnaval gecəsi”, “Qusar balladası”, “Avtomobildən qorun”, “İşdə məhəbbət macərası”, “Qaraj”, “Qəribə təsadüf və ya həmişə təmizlikdə”, “İki nəfərlik vağzal” filmləridir.