Keniyada daşqınlar 228 nəfərin həyatına son qoyub
Bakı, 6 may, AZƏRTAC
Keniyada leysan yağışları səbəbindən baş verən daşqınlar və torpaq sürüşmələri nəticələrində ölənlərin sayı 228 nəfərə çatıb.
AZƏRTAC xəbər verir ki, bu barədə Keniya Daxili İşlər Nazirliyinin məlumatında deyilir.
Daşqınlar Şərqi Afrikanın ən böyük iqtisadiyyatına malik Keniyada evləri, yolları, körpüləri dağıdıb və infrastruktura ciddi zərər vurub. Təbii fəlakət nəticəsində, həmçinin 164 nəfər xəsarət alıb, 212 mindən çox insan isə evlərini tərk etmək məcburiyyətində qalıb.
Sinoptiklər son həftələr ölkənı cənginə alan leysan yağışların may ayında daha da şiddətlənəcəyini proqnozlaşdırır. Hakimiyyət orqanları əhalini sahilyanı və şəhər ərazilərində baş verə biləcək daşqınlar, dağlıq ərazilərdə, yamaclarda və dərələrdə isə torpaq sürüşmələri barədə xəbərdar edib.
Bölmənin digər xəbərləri
