DÜNYA


ABŞ Avropa ölkələrinin Rusiyadan neft idxalına embarqo tətbiq etmələrini gözləyir

Vaşinqton, 13 may, AZƏRTAC

Rəsmi Vaşinqton Avropa ölkələrinin Rusiyadan neft idxalına embarqo tətbiq etmələrini gözləyir.

AZƏRTAC xəbər verir ki, ABŞ Dövlət katibinin Avropa və Avrasiya məsələləri üzrə köməkçisi Karen Donfrid ABŞ Konqresinin Senatında Ukraynaya əlavə yardım göstərilməsi mövzusuna həsr edilmiş dinləmələrdə çıxış edib. O bildirib ki, Vaşinqton avropalı müttəfiqlərin “bu həftə olmasa da, gələn həftə” embarqo tətbiq edəcəklərini gözləyir.

Karen Donfrid qeyd edib ki, ABŞ “lap yaxın vaxtda Avropanın Rusiyadan neft tədarükünə qadağa tətbiq edəcəyini görəcəyinə əmindir”.

Qərbdə bir sıra ölkələr Ukraynada yaranmış vəziyyətə görə Rusiya Federasiyasına qarşı bir neçə sanksiya paketi tətbiq edib.

 

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.