DÜNYA


ABŞ Müdafiə Nazirliyi Ukraynaya 1 milyard dollarlıq yeni hərbi yardım paketinə icazə verib

Kiyev, 9 avqust, AZƏRTAC

ABŞ Müdafiə Nazirliyi Ukraynaya 1 milyard dollarlıq yeni hərbi yardım paketinə icazə verib.

AZƏRTAC xəbər verir ki, bu barədə Pentaqonun saytı məlumat yayıb.

Hərbi yardımın Ukraynanın kritik təhlükəsizlik və müdafiə ehtiyaclarını ödəmək üçün nəzərdə tutulduğu bildirilir. O, ABŞ Müdafiə Nazirliyinin ehtiyatlarından tədarük ediləcək.

Yeni paketə HIMARS üçün əlavə sursat, 155 millimetrlik artilleriya üçün 75.000 sursat, 20 əlavə 120 millimetrlik minaatan sistemi və onlar üçün 20.000 sursat, NASAMS zenit-raket sistemləri üçün sursat, 1000 “Javelin” və yüzlərlə AT4 tank əleyhinə sistemlər, 50 zirehli tibbi maşın, Claymore piyada əleyhinə sursat, C-4 partlayıcı maddələr, partlayıcı sursat və partlayıcı avadanlıq, tibbi ləvazimatlar, o cümlədən ilk yardım dəstləri, sarğılar, monitorlar və digər avadanlıqlar daxildir.

 
Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.