DÜNYA


ABŞ-da “dünyanın ən sürətli qadını” vəfat edib

Bakı, 8 noyabr, AZƏRTAC

“Dünyanın ən sürətli qadını” adlandırılan amerikalı kaskadyor Kitti Onil 72 yaşında vəfat edib.

AZƏRTAC “Washington Post” qəzetinə istinadla xəbər verir ki, Onil noyabrın 2-də Kaliforniya ştatının Yurika şəhərində pnevmoniya xəstəliyindən həyatını itirib.

O, Hollivudun “Stunts Unlimited” kaskadyor studiyasına daxil olan ilk qadındır. Kitti Onil raket mühərrikli avtomobilin sükanı arxasında saatda 600 mil (saatda təxminən 966 kilometr) sürət yığaraq “dünyanın ən sürətli qadını” adına layiq görülmüşdü.

Kaskadyor qadın ən məşhur tryukunu “Wonder Woman” (“Möcüzə qadın”) çoxseriyalı bədii filmi üçün ifa edib: Los-Anceles şəhərindəki “Hilton” otelinin damından tullanıb və 127 fut (təxminən 39 metr) hündürlükdən hava yastığının üstünə düşüb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.