DÜNYA


ABŞ-ın birinci xanımı Ukraynaya gizli səfər edib

Bakı, 9 may, AZƏRTAC

ABŞ Prezidenti Co Baydenin xanımı Cill Bayden Avropaya səfəri çərçivəsində Ukraynada olub.

AZƏRTAC TASS informasiya agentliyinə istinadla xəbər verir ki, Ukraynaya gizli səfər edən Cill Bayden Ujqorod şəhərində Ukraynanın birinci xanımı Yelena Zelenski ilə görüşüb.

Görüş mümkün qədər məxfi saxlanılıb və mətbuat üçün qapalı olub. Görüşdə yalnız Ağ Evin mətbuat xidməti iştirak edib.

ABŞ-ın birinci xanımı və Y.Zelenski Ujqorodda Ukraynanın hərbi əməliyyatların davam etdiyi ərazilərdən məcburi köçkün düşən insanların məskunlaşdıqları məktəbə baş çəkiblər.

Ukraynada cəmi 2 saat olan Cill Bayden Slovakiyaya gedib.

Qeyd edək ki, ABŞ-ın bir sıra media orqanları Cill Baydenin Ukraynaya səfərinə dair görüntüləri artıq yayıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.