ELM VƏ TƏHSİL
ADNSU-da “Avropa İİV-ə test həftəsi” çərçivəsində maarifləndirici tədbir təşkil olunub
Bakı, 26 noyabr, AZƏRTAC
Noyabrın 26-da Azərbaycan Dövlət Neft və Sənaye Universitetində (ADNSU) Azərbaycan Respublikası QİÇS-lə Mübarizə Mərkəzinin təşkilatçılığı ilə “Avropa İİV-ə test həftəsi” çərçivəsində maarifləndirici tədbir keçirilib.
ADNSU-dan AZƏRTAC-a bildiriblər ki, tədbirdə QİÇS-lə Mübarizə Mərkəzinin əməkdaşları tərəfindən tələbələr üçün İnsanın İmmun Çatışmazlığı Virusuna (İİV) görə laborator testlər keçirilib. Mərkəzin mütəxəssisləri İİV infeksiyası və ondan qorunma üsulları, sağlam və təhlükəsiz həyat tərzi barədə ətraflı məlumat veriblər.
Qeyd edək ki, tədbir “Avropa İİV-ə test həftəsi” çərçivəsində keçirilir. Bu cür tədbirlərin keçirilməsində məqsəd İİV-in yayılmasının qarşısının alınması, əhalinin İİV-QİÇS barədə biliklərinin artırılması, sağlam və təhlükəsiz həyat tərzinin təbliğidir.