İDMAN


AFFA RƏHBƏRLİYİ İDMAN JURNALİSTLƏRİNİ MƏTBUAT GÜNÜ MÜNASİBƏTİLƏ TƏBRİK ETDİ

AFFA rəhbərliyi iyulun 22-də qeyd olunan Milli Mətbuat günü münasibətilə idman jurnalistləri ilə görüşmüşdür.

Görüşü açan AFFA prezidenti Ramiz Mirzəyev jurnalistləri bayram münasibətilə təbrik edərək bildirmişdir ki, qurumun rəhbərliyi mətbuatla əlaqələrə böyük əhəmiyyət verir. Son yeddi ay ərzində kütləvi informasiya vasitələrinin nümayəndələri AFFA-nın yeni rəhbərliyinin milli futbolumuzun inkişafı ilə bağlı fəaliyyətini geniş işıqlandırırlar.

Ramiz Mirzəyev demişdir ki, Azərbaycan futbolundakı vəziyyət barədə oxuculara obyektiv məlumat verilməsində idman mövzusunu işıqlandıran jurnalistlərdən çox şey asılıdır.

Sonra o, bir sıra kütləvi informasiya vasitələrinə AFFA-nın fəxri fərmanlarını təqdim etmişdir. Mükafat alanlar arasında Azərbaycan Dövlət Teleqraf Agentliyi – AZƏRTAC da vardır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.