REGİONLAR


AKİA-nın sədri: Fermerlərin keyfiyyətli toxumla təmin olunması ən vacib məsələlərdəndir

Şəki, 11 may, Mustafa Dadaşov, AZƏRTAC

Aqrar Məşğulluğun Artırılması Layihəsi – AMAL çərçivəsində Şəkidə tütünçülərlə görüşümüz regionlarda yaşayan vətəndaşların kənd təsərrüfatına, aqrar sahəyə marağının artırılması, onların dayanıqlı gəlir və iş yerləri ilə təmin olunmasına kömək məqsədi daşıyır. Layihə çərçivəsində gənclərə, həmçinin tütünçülük sahəsində çalışan fermerlərə təlimlər keçiriləcək, bu sahəyə beynəlxalq mütəxəssislər cəlb olunacaq, fermerlərin kənd təsərrüfatı texnikaları, eyni zamanda, tütünqurutma kameraları ilə təminatı yaxşılaşdırılacaq.

AZƏRTAC-ın bölgə müxbiri xəbər verir ki, bu sözləri Aqrar Kredit və İnkişaf Agentliyinin (AKİA) sədri Mirzə Əliyev Şəkidə jurnalistlərə müsahibəsində deyib.

Elmi-Tədqiqat Əkinçilik İnstitutunun Şəki Dayaq Məntəqəsinin yenidən qurulması layihəsi çərçivəsində görüləcək işlər barədə məlumat verən Agentliyin sədri deyib: “Fermerlərin keyfiyyətli toxumla təmin olunması kənd təsərrüfatının ən vacib məsələlərindən biridir. Hər il bu məntəqədə 100 tondan çox yüksək reproduksiyalı toxum istehsal olunur. Məntəqədə inşa ediləcək laboratoriya üçün ən müasir avadanlıq alınıb gətirilib. Tikinti işləri başa çatdıqdan sonra quraşdırılacaq. Fermerlərin keyfiyyətli toxumla təmin olunması şübhəsiz ki, ölkədə kənd təsərrüfatının məhsuldarlığının artmasına, ərzaq təhlükəsizliyinin təmin olunmasına öz töhfəsini verəcək”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.