İDMAN


AZƏRBAYCANIN FUTBOL HİMNİ YAZILMIŞDIR

AZƏRTAC xəbər verir ki, “Azərbaycan Respublikasında 2005-2015-ci illərdə futbolun inkişafına dair Dövlət Proqramı”na uyğun olaraq, futbolçuların qələbə əzmini yüksəltmək, ictimaiyyətin bu idman növünə olan marağını daha da artırmaq məqsədi ilə futbol himninin yazılması üçün elan edilmiş müsabiqənin qalibi müəyyən olunmuşdur.

Futbol mütəxəssisləri və Azərbaycan Bəstəkarlar İttifaqının nümayəndələrindən ibarət münsiflər heyəti müsabiqəyə təqdim olunmuş 12 əsərin yalnız 6-nı müzakirə etmişdir. “Şuşa” adlı himn yekdilliklə müsabiqənin qalibi elan edilmişdir. Himnin bəstəkarı xalq artisti Vasif Adıgözəlovdur. Sözləri isə Azərbaycan Yazıçılar Birliyinin birinci katibi, xalq şairi Fikrət Qocanındır. İkinci yerə layiq görülən “Banışevski” adlı əsərin müəllifi isə bəstəkar Faiq Sücəddinovdur.

Birinci yer üçün 3000, ikinci yer üçün isə 1000 AZN məbləğində mükafat veriləcəkdir.

Tədbirdə çıxış edən futbol və musiqi mütəxəssisləri “Şuşa” himninin yüksək peşəkarlıqla, milli dəyərlərə əsaslanaraq yazıldığını qeyd etmişlər. Müəllif hüququ AFFA-ya məxsus olan bu himn digər idman yarışlarında da səsləndirilə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.