Son günlər ölkədə fəaliyyət göstərən radikal, dağıdıcı müxalifət partiyaları, onların himayə etdikləri ictimai-siyasi təşkilatlar və mətbuat orqanları Azərbaycan xalqının milli-mənəvi dəyərlərinə, milli əxlaq və mentalitetinə zidd olaraq dövlətçiliyimizə, xüsusən də, dövlətin əsas atributlarından sayılan ölkə Prezidentinə qarşı böhtan və iftiralarla dolu yazılarla çıxış edir, bəyanatlar verirlər. Həmin bədnam yazılarda qarşıdan gələn 2003-cü il prezident seçkilərini pozmaq, ölkəmizi xaosa, hərc-mərcliyə sürükləmək çağırışları səslənir, ölkəmizin Prezidentinin səhhəti ilə bağlı milli-əxlaqi normalara sığmayan, balalarımızın mənəvi tərbiyəsinə sağalmaz yaralar vuran təhqir və böhtanlara yol verilir. Özünü ziyalı adlandıran, milli-mənəvi dəyər olan ziyalılığı əslində bəd əməlləri ilə hörmətdən, nüfuzdan salan bir qrup, necə deyərlər, amalsız “Amal”çının imzaladığı və bu günlərdə müxalifət mətbuatında dərc edilən üzdəniraq bəyanat da bu qəbildən olub, məzmun və mündəricəsi baxımından milli dövlətçiliyə zidd mövqeyinə görə təhsil işçilərində qəzəb və hiddət doğurmuşdur. 

Aydın həqiqətdir ki, əsl ziyalı Vətən və millət yolunda ağlının, zəkasının nurunu əsirgəməyən, milli mənafeyi hər zaman hər bir amaldan, istəkdən uca tutan insandır. Belə bir adi həqiqəti dərk etməyənlər, özünü “ziyalı” adlandıranlar ölkəmizin Prezidentinin – xalqımızın milli sərvəti, maarifimizin, təhsilimizin, mədəniyyətimizin misilsiz təəssübkeşi və müdrik himayəçisi, zəmanəmizin böyük ziyalısı Heydər Əliyevin səhhəti mövzusunu siyasi alver və möhtəkirlik vasitəsinə çevirməklə, bütün milli dəyərləri və mənəviyyat prinsiplərini öz çirkin siyasi məqsədlərinə qurban verməklə, görəsən, millətin gələcəyi olan övladlarımızın tərbiyəsinə hansı zərbələr vurduqlarının fərqindədirlərmi?!

Biz, həmin bəyanatda dövlətimizin başçısı, müdrik el ağsaqqalı, dünya azərbaycanlılarının milli iftixarı olan Heydər Əliyev haqqında deyilən iftira və böhtanları qətiyyətlə rədd edir, belə üzdəniraq əməlləri bu gün ölkə əhalisinin dörddə birini təşkil edən şagird və tələbələrimizin mənəviyyatına vurulan zərbə kimi dəyərləndirir, həmin şəxsləri ziyalı adından sui-istifadə etməməyə, uca ziyalı adına ləkə vurmamağa səsləyir və deyirik: Tarix və zaman bu səhvi heç zaman bağışlamayacaqdır.

Prezident Heydər Əliyev hakimiyyətdə olduğu bir qərinə ərzində hər zaman təhsilə, maarifə, elm və mədəniyyətə qayğı ilə yanaşmış, təhsil işçilərinə, həqiqi ziyalılara dayaq olmuş, ziyalılığı yüksək qiymətləndirmişdir. Bu, dahi tarixi şəxsiyyətin, fenomenal dövlət xadiminin daxili ziyalılıq təbiətindən irəli gəlir. Heydər Əliyevin ziyalılığa, təhsilə, maarifə, elmə, mədəniyyətə, bütövlükdə Azərbaycan müəllimliyinə töhfələri olduqca çoxdur. Əslində möhtərəm Prezidentimizin həyat yolu və fəaliyyəti Azərbaycan xalqına, Azərbaycan təhsilinə, Azərbaycan ziyalılığına uca Tanrının töhfəsidir.

Əsrin üçdə birində milli tariximizin ən yaddaqalan məqamları, maarifimizin intibahı, təhsilimizin uğurları bu müdrik insanın, bu böyük ziyalının adı ilə bağlıdır. Bu bir həqiqətdir ki, həmin dövrdə - Heydər Əliyev epoxasında milli təhsilin üstün inkişafı, ölkənin intellektual potensialının zənginləşdirilməsi, təhsil quruculuğu sahəsində aparılan islahatlar milli tərəqqinin əsas amili olub və bu gün də olmaqdadır. Bu bir reallıqdır ki, keçmiş SSRİ kimi super dövlətin ötən əsrin 80-ci illərində aparılan təhsil islahatlarına rəhbərlik edəndə də, müstəqil Azərbaycanın təhsil sahəsində islahat prosesinin memarı və qurucusu kimi fəaliyyət göstərəndə də Heydər Əliyevi yalnız və yalnız Azərbaycan xalqının xoşbəxt gələcəyini təmin edən təhsil, maarif və mədəniyyətin inkişafı düşündürmüş, bu yolda nə lazımsa hamısını, hətta, mümkün olmayanları da etmişdir. Keçən əsrin 70-80-ci illəri haqlı olaraq Azərbaycan təhsilinin intibah dövrü sayılır. Hələ o illərdə orden və medallara layiq görülmüş müəllimlərin sayı ölçüyəgəlməz dərəcədə artmış, üç müəllim Sosialist Əməyi Qəhrəmanı adına, 800-dən artıq müəllim “Əməkdar müəllim” adına layiq görülmüş, 800-dən artıq yeni məktəb binası tikilib istifadəyə verilmişdir. Çox şükürlər olsun ki, bu böyük ənənələr Heydər Əliyevin rəhbərliyi ilə indi də yaşayır.

Bu gün Azərbaycan təhsilində aparılan irimiqyaslı islahatların başında böyük maarifçi, böyük müəllim Heydər Əliyev durur. Onun qayğı və himayəsi ilə son illərdə Azərbaycan müəllimlərinin əmək haqqı 9 dəfə artırılmış, yüzlərlə təhsil işçisi Vətənimizin orden və medallarına, fəxri adlarına layiq görülmüşdür. Ölkəmizin Prezidentinin bu ilin əvvəlində imzaladığı Fərmanla ümumtəhsil müəssisələrinin maddi-texniki bazasının möhkəmləndirilməsi sahəsində dövlət proqramı təsdiq edilmiş, onun icrasına başlanılmışdır.

Bütün bunları görmədən təhsilimizin böyük himayəçisi, əvəzsiz maarifçi, ziyalı Heydər Əliyev haqqında heç bir əxlaq normasına sığmayan iftira yağdıranların ziyalı adından danışmağa mənəvi haqqı yoxdur.

Ömrünü-gününü, qəlbinin hərarətini, gözünün nurunu gənc nəslin tərbiyəsi yolunda əsirgəməyən təhsil işçiləri bu fikirdədir ki, dövlətin, millətin simvolu olan ölkə başçısının – Prezidentin ünvanına böhtan yağdıranlar, bütün əxlaqi sədləri keçənlər, milli mənəviyyatı siyasi alver vasitəsinə çevirənlər gec-tez iflasa məhkumdur, tarix və zamanın qınağından heç vaxt yaxa qurtara bilməyəcək, lənətlə damğalanacaqlar.

Bu gün bütün dünya etiraf edir ki, Azərbaycanı idarə etməyə qadir tarixi şəxsiyyət Heydər Əliyevdir. Ölkəmizin bütün təhsil işçiləri qarşıdan gələn prezident seçkilərində Azərbaycan müəllimlərinin böyük dostu, görkəmli siyasi xadim, həqiqi ziyalı möhtərəm Heydər Əliyevin namizədliyini yekdilliklə müdafiə edəcəklər.

İnaniriq ki, Azərbaycanı 1993-cü ilin iyununa qədərki xaos dövrünə sürükləməyə çalışan radikal müxalifətin əlində oyuncağa çevrilən “Amal”çıların arzuları gözündə qalacaq, Vətənimizdə müstəqil Azərbaycan adlı tarixi abidə ucaltmış Heydər Əliyev növbəti müddətdə də Prezident kimi öz müqəddəs missiyasını uğurla yerinə yetirəcəkdir.

Amin!

Misir Mərdanov- təhsil naziri

Lətif Hüseynzadə - əməkdar müəllim, Naxçıvan MR

Zahid Şöyübov – xalq müəllimi, Yevlax rayonu

Məhər Quliyev – Sosialist Əməyi Qəhrəmanı, əməkdar müəllim, Tovuz rayonu

Sona Tağıyeva – əməkdar müəllim, Bakı şəhəri,

İmamverdi Əbilov – əməkdar müəllim, Neftçala rayonu

Heybət Qədirov – əməkdar müəllim, Yardımlı rayonu

Rima Hənifəyeva – əməkdar müəllim, Bakı şəhəri

Aliyə Təhmasib – əməkdar müəllim, Bakı şəhəri

Raisə Tahirova – əməkdar müəllim, Bakı şəhəri

Səyyarə Zeynalova – əməkdar müəllim, Bakı şəhəri

Minarə Tahirova – əməkdar müəllim, Sumqayıt şəhəri

Xəlil Xəlilov – əməkdar müəllim, Ağcabədi rayonu

Həsənağa Əhmədov – əməkdar müəllim, Salyan rayonu

Əjdər Ağayev – əməkdar müəllim, Respublika Təhsil Şurasının sədri

Mustafakamal Allahverdiyev – əməkdar müəllim, Şəki şəhəri

Müsəddin Məmmədov – əməkdar müəllim, Gəncə şəhəri

Səfərəli İbrahimov – əməkdar müəllim, Bakı şəhəri

Leyla Məmmədova – əməkdar müəllim, Bakı şəhəri

Əkrəm Əsgərov –əməkdar müəllim, Gəncə şəhəri

Nazim Nəsrəddinov – əməkdar müəllim, Bakı şəhəri

Zöhrab Vəliyev – əməkdar müəllim, Naxçıvan MR

Minayə Nəbbaqi – əməkdar müəllim, Bərdə rayonu

Sabir Məmişov – əməkdar müəllim, Bakı şəhəri

Məhəbbət Həsənova – əməkdar müəllim, Naxçıvan MR

Ruqiyyə Əliquliyeva – əməkdar müəllim, Şəmkir rayonu

Zəhra Əliyeva – əməkdar müəllim, “Azərbaycan məktəbi” jurnalının redaktoru

Sara Xanlarova – Səbail Rayon Təhsil Şöbəsinin müdiri

Tacir Əliyev – Şuşa Rayon Təhsil Şöbəsinin müdiri

Ədalət Əsgərov – Cəlilabad Rayon Təhsil Şöbəsinin müdiri

Dövlət Məmmədov – müəllim, Naxçıvan MR

Ceyran Quliyeva – müəllim, Bakı şəhəri

Faina Ələkbərova – müəllim, Bakı şəhəri

Masiko Babacanaşvili – müəllim, Qax rayonu

Hicran Qarayeva – müəllim, Bakı şəhəri

Nikolay Vasilçenko – müəllim, Bakı şəhəri

Yevgeni Şubin – müəllim, Qusar rayonu

Vyaçeslav Pankov – müəllim, Bakı şəhəri

Elxan Hüseynli – müəllim, Naxçıvan MR

Müslüm Əliyev – müəllim, Astara rayonu

Tahir Balayev – müəllim, Beyləqan rayonu

İradə Həsənova – müəllim, Laçın rayonu

Allahyar Bayramov – müəllim, İmişli rayonu

Məhərrəm Kazımov – müəllim, Lerik rayonu

Ramilə Abdulxalıqova – müəllim, Mingəçevir şəhəri

Nadir Xəlilov – müəllim, Şamaxı rayonu

Mustafa Qocayev – müəllim, Əli Bayramlı şəhəri

Qəzənfər Əliyev – müəllim, Gədəbəy rayonu

Dünyaxanım Mahmudova – müəllim, Abşeron rayonu

Hacıməmməd Məmmədov – müəllim, İsmayıllı rayonu

Cəmil Abbasov – müəllim, Biləsuvar rayonu

Tahir Tahirzadə - müəllim, Cəlilabad rayonu

Adəm Seyfullayev – müəllim, Masallı rayonu

Şövkət Qurbanov – müəllim, Xaçmaz rayonu

Qəşəm Qədiməliyev – müəllim, Ağstafa rayonu

Gülşən Piriyeva – müəllim, Salyan rayonu

Gülnarə Abdullayeva – müəllim, Bakı şəhəri

Rəhimə Əliyeva – müəllim, Bakı şəhəri

Nuriyyə Ağayeva – müəllim, Bakı şəhəri

Elmira İlizarova – müəllim, Bakı şəhəri

Məhəbbət Vəliyeva – müəllim, Bakı şəhəri

Sona Sadıxova – müəllim, Bakı şəhəri

Svetlana Şirman – müəllim, Bakı şəhəri

Aygün Əhmədova – müəllim, Bakı şəhəri

Xuraman Əliyeva – müəllim Bakı şəhəri

Sevinc Səfərəliyeva – müəllim, Bakı şəhəri

Fatmaxanım Quliyeva – müəllim, Quba rayonu

Zilnur Binnətova – müəllim, Samux rayonu

Əlikram İsayev – müəllim, Ucar rayonu