İQTİSADİYYAT


AZƏRBAYCAN VƏ GÜRCÜSTAN QADINLARI BİRGƏ LAYİHƏ HƏYATA KEÇİRİRLƏR

Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) Beynəlxalq Əmək Təşkilatının (BƏT) “Azərbaycan və Gürcüstanda işəgötürənlər təşkilatları vasitəsilə qadın sahibkarlığın və özünüməşğulluğun inkişafı” adlı layihəsini həyata keçirir.

Konfederasiyadan bildirmişlər ki, layihənin məqsədi hər iki ölkədə qadın sahibkarlığın vəziyyətini araşdırmaq, müvafiq statistik məlumat toplamaq, bu sahədə mövcud problemləri və inkişaf perspektivlərini müəyyənləşdirməkdir.

Layihə çərçivəsində hər iki respublikadan qadın sahibkarlığı üzrə məsləhətçilərin hazırlanması nəzərdə tutulur. Bu məqsədlə ASK və BƏK birlikdə Bakıda məsləhətçilərin kursunu təşkil ediblər. Bir həftəlik kurs BƏT Cenevrə ofisinin və Turin Beynəlxalq Treninq Mərkəzinin məsləhətçiləri tərəfindən aparılacaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.