Mayın 19-dan iyunun 5-dək İtaliyanın Turin şəhərində keçiriləcək Dünya Şahmat Olimpiadasında Azərbaycanı təmsil edəcək yığma komandanın tərkibi müəyyən olunmuşdur.

Respublika Şahmat Federasiyasından AZƏRTAC-ın müxbirinə bildirmişlər ki, kişilərdən ibarət yığma komandaya 4 əsas və 2 ehtiyat oyunçu – Teymur Rəcəbov, Vüqar Həşimov, Namiq Quliyev, Rauf Məmmədov, Loğman Quliyev və Vasif Durarbəyli daxildirlər. Qadınların yarışında isə Azərbaycanın idman şərəfini Xəyalə İsgəndərova, Nərgiz Umudova, Fidan Ağasıyeva və Viktoriya Avdeyeva qoruyacaqlar.