DÜNYA


Əfqanıstanda üç amerikan əsgəri həlak olub

Bakı, 27 noyabr, AZƏRTAC

Əfqanıstanın Qəzni şəhərində yola düzülmüş minanın partlaması nəticəsində üç amerikalı əsgər həlak olub, daha üç nəfər isə yaralanıb.

AZƏRTAC “Reuters” agentliyinə istinadla xəbər verir ki, bu məlumatı NATO-nun Əfqanıstandakı “Qətiyyətli dəstək” missiyası yayıb.

Məlumatda deyilir ki, partlayış nəticəsində xəsarət alanlardan biri ABŞ-ın kontraktla bu ölkədə fəaliyyət göstərən mülki qulluqçusudur. Həmçinin qeyd olunur ki, amerikan əsgərlərinin Əl-Qaedaya qarşı Nimruz əyalətində keçirdikləri hərbi əməliyyatlardan sonra onlara qarşı hücumların və itkilərin sayı artıb. Həmin döyüşlərdə bir amerikan əsgəri səhvən əfqan ordusunun döyüşçüsü tərəfindən vurulmuşdu.

Son aylarda Qəznidə taliban yaraqlıları ilə sülhməramlı qüvvələrin əsgərləri arasında döyüşlərin daha intensiv xarakter aldığı bildirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.